شوفوا ناس اوروبا حالم شوفوا
كيف ميدانهم أخضر
وارقى استاد لينا نحن نصو دلجة
ونص محفر
حفرو تقل لورى هينو وذى نجوم
الليل وأكتر
يوم تراوغ فى الحفرة تحتل ومرة
بى درابة تعتر
ويوم تخبط الواطة لما تقوم مكندك
وجد معفر
شوف فريقنا القومى حالو فيهو
بأت الشؤم واكتر
الدفاع راكوبة ساكت والمهاجم
شوتو اشتر
والجناح أبو ريش مظعمط بس تقول
فى شكل هنتر
ونصنا الكسلان مكعكع وقونا يدخل
فيهو بنبر
والمدرب دمو فاير كم تنرفز جاط
وطمبر
قالوا احجزوا ليهو فى التجانى
الماحى عنبر
والمشجع شال عصايتو ولبع الحكام
وفر
والحكم قدامو طاير جارى صوف
للحيطة طفر
نحن بس ناس حجة ساكت غايتو
للتشجيع بنقدر
دا البنقلب فيهو هوبه وفيهو
أحرف ناس واشطر