الخواجـــات والبرنو

اول حاجة ........ الخواجات
خواجات .......... والفلاتة فلاتة

والبرنو برنو .................. والبرقو برقو

فى اوروبا البيعيش براه .. ياعالم . ياأديب . يافيلسوف . هنا عندنا
فى البلد دى عزابى منو خوف

لما كان فى اليونان فى ارسط وسقراط كان يادوبك خلقوا امدرمان والناس
ده كانت لقاط لقاط

ولما كان الخــــواجة بيجى شـــــاقى
شوارع اوروبا مستحمى ولابس بدلة وقميص و حــاشى

كان حـــاكمنا بى هــنا الخليفــــة عبــــدالله التـــعايشى

ولما كان الشحات فى شوارع باريس بيجى لافى بالجيتارة كان عمدة
ابورووف بيجى لافى بالحمارة

لما الخواجات اكتشفوا الكهرباء . ناس خواجات كانت حريصة هنا كنا
بنعمل كشة للسكارة فى بيوت المريسة

لما فى موسم ما اتفتح فى الربيع زهر الفستق كان فى نفس لموسم السلطان
على دينار دق ود اختو
فى الفندق

البنات جكسى كل واحدة عارفه نفسه نتعمل شنو .. ممكن تعرسك او تجكسك
بدون ما تعرف انت

منو وداير شنو

جوطه لخبطه ايوه كوجنه لخبطه نودى نصنا هناك ونجيب نصهم هنا ياجنو
ياجنينا ياطفشنا تانى ماجينا

ياصلحوها لينا جينا يا اتعشينا جداد يافطرناهم سخينة يااكلوا كلهم يا
سبوا لينا يا امنا كلنا صلينا .

جوطه

لخبطه .. نودى الف برقاوى ونجيب سبعة المان يالبرقو فى اوروبا بقوا
جيرمان ياالالمان هنا بقوا برقومان

جوطه لخبطه نجيب خمسة المانيات نجكسم نعرسم ونخلى ام الحسين تنفسم يا كل خواجايه
جابت

تيمان

ياشلخناهم وطهرناهم كلهم ذى باقى النسوان جوطه لخبطه

لا كده حار وكده حار ما بنفكر نحنا وبندور ونساهر عشان نحلها نعقدة
ونجيب دكاترة ومؤتمرات ونظارات

وصلع لى هنا .. عشان نلتقة نقدها .. ومكرفونات وتلفزة والفاظ مميزة
اخـر حاجة نطبظه ... والحل بسيط

انو كل زول يعمل هوية كل زول يرسم مسارو واختيارو